Oğuz rayonu Azərbaycan Respublikasının qədim yaşayış məskənlərindən biridir. Onun ərazisi 1077 km2, əhalisi 40845 nəfərdir. Oğuz rayonunda tarixən müxtəlif millətlər yerli Azərbaycan xalqı ilə birgə mehriban şəraitdə yaşamışdırlar. Həmçinin yahudi millətinin nümayəndələri də burada yaşamışdırlar. Burada bütün insanlar öz dinlərinə rahat şəkildə sitayiş etmişdirlər.
Hal-hazırda da dövlət tərəfindən Yəhudi Dini İcmasına və sinaqoqlara lazımi diqqət və qayğı göstərilməkdədir.

Dövlət qayğısının bariz nümunəsi olaraq cəmiyyətə maddi dəstək verilməkdədir. Rayon ərazisində yaşamış yəhudi millətindən olan insanların öz dinlərinə sitayiş etmək üçün müxtəlif vaxtlarda inşa etdirdikləri iki sinaqoq mövcuddur. Həmin sinoqoqlar məhəllələrə görə yuxarı və aşağı sinoqoq olaraq tanınmışdırlar. Yuxarı sinoqoq isə 1897-ci ildə Ravin Borux tərəfindən inşa edilmişdir.

Aşağı sinoqoq 1847-ci ildə inşa edilmişdir. Sovet hakimiyyəti dövründə həmin sinaqoqlar xalqdan alınaraq müxtəlif təyinatlı anbarlar kimi istifadə olunmuşdur. Azərbaycan öz müstəqilliyini yenidən əldə etdikdən sonra həmin sinaqoqlar yahudi xalqının istifadəsinə qaytarılmışdır sinaqoqlar həmin bölgədə yaşayan və əslən Oğuz rayonundan olan yəhudilər tərəfindən təmir etdirilmişdir. Hal-hazırda həmin sinaqoqlar dövlət tərəfindən Oğuz rayonunda yaşayan yəhudi dini icmasının sərəncamına və istifadəsinə verilmişdir.

Rayonda yəhudilərə aid köhnə və təzə qəbristanlıq mövcuddur. Qəbristanlığın girişində böyük vətən müharibəsində həlak olmuş yəhudi milətinin nümayəndələlərinə xatirə lövhəsi inşa edilmişdir.

İl ərzində dünyanın müxtəlif ölkələrindən olan turistlər sinaqoqları görmək üçün gəlirlər. sinaqoqlar təkcə turistlərin deyil digər qonaqların da diqqət və marağına səbəb olur.